Magaalaa Mojootti Haala Oolmaa Gabaa Loonii Torbee Ayyaana Faasikaa Bara 2018! (*Gabaa Sangoota Qalmaa, Hoolotaafi Re’ootaa):
Magaalaa Mojootti oolmaa ‘Gabaa Loonii’ Torbee Ayyaana Faasikaa guyyaa har’aa gaggeeffamaa jiruun haalli dhiheessii daran gaarii ta’uu fi gatiin loonii kan yeroowwan darbaniin waliin wal biratti yemmuu ilaallamu gatii madaalawaa fi tasgabbaa’aa ta’uu namoonni gurgurtaa fi bittaa loonii gaggeessan ibsaniiru.
Haalli gatii isaaniis Sangaa xiqqaan gatii qarshii Kuma 42 hanga Kuma 65’tti, Sangaa giddugaleessi qarshii Kuma 70 hanga Kuma 110’tti, Sangaa baay’ee guddaan qarshii Kuma 140 hanga kuma 220’tti gurguramaa jiru.
Kana malees, oolmaa ‘Gabaa Hoolaa fi Re’ee’ guyyaa har’aa gaggeeffameen, haalli dhiheessii kan kanaan duraa caalaa gaarii ta’uun eerameera.
Haalli gatii isaaniis Hoolaa xiqqaan gatii qarshii Kuma kudhanii hanga Kuma 14’tti, Hoolaa giddugaleessi qarshii Kuma 15 hanga Kuma 20’tti, Hoolaa guddaan qarshii Kuma 24 hanga Kuma 40’tti gurguramaa jiru.
Gabaa Re’ee ilaalchisee, Re’ee xiqqaan gatii qarshii 9,000 hanga qarshii 12,000’tti, Re’ee giddugaleessi gatii qarshii 14,000 hanga qarshii Kuma 18,000’tti, Re’ee guddaan gatii qarshii Kuma 22 hanga qarshii Kuma 32’tti gurguramaa jiru!
